3.392.

$E= 10$ кВ/см хүчлэгтэй нэгэн төрөл цахилгаан орон дотор электрон хөдөлж эхлэв. Хөдөлгөөн эхэлснээс хойш ямар хугацааны дараа электроны кинетик энерги нь тайвныхаа энергитэй тэнцэж ирэх вэ?

3.391.

$E=E_0-\varepsilon x$ хүчлэгтэй цахилгаан орны үйлчлэлээр $q/m$ хувийн цэнэгтэй бөөм шулууны дагуу хөдөлнө. Энд $\varepsilon$ нь эерэг тогтмол, $x$ нь бөөм анх тайван байсан цэгээс алслах зай болно. Бөөм зогсох хүртлээ туулах зайг ол.

3.390.

$U$ потенциалын ялгавраар хурдассан протон хугацааны $t= 0$ агшинд хавтгай конденсаторын нэгэн төрөл цахилгаан оронд орж ирэв. Протоны хөдөлгөөний чиг дагуу конденсаторын ялтасны урт $l$ болно. Орны хүчлэг хугацаанаас $E=\varepsilon t$ гэж хамаарах ба энд $\varepsilon$ нь тогтмол. Протоныг релятивист биш гэж тооцоод түүний конденсаторт нисэн орох ба гарах чигүүд хоорондын өнцгийг ол. Захын үзэгдлүүдийг тооцохгүй.

3.389.

Хавтгай конденсаторын нэг ялтаснаас хугацааны $t= 0$ агшинд электрон бараг анхны хурдгүй сугаран гарав. Ялтсууд хооронд хугацаанаас $U=\varepsilon t$ хуулиар хамаарах хурдасгагч хүчдэл өгсөн болно. Энд $\varepsilon= 100$ В/с болно. Ялтсууд хоорондын зай $l= 5,0$ см бол электрон нөгөө ялтасд хүрэхдээ ямар хурдтай болсон байх вэ?

3.388.

Цэгэн $q$ цэнэг гэрлийн хурдны $\beta$ хэсэгтэй тэнцэх релятивист хурдаар ($\beta=v/c$) шулуун, жигд хөдөлнө. Цэнэгийн хурдны векторт $\vartheta$ өнцөг үүсгэх чигт цэнэгтэй харьцангуй $\pmb{r}$ радиус вектороор байрлал нь тодорхойлогдох цэг дэх цэнэгийн цахилгаан орны $\pmb{E}$ хүчлэгийг ол.

3.387.

$K$ инерциаль тооллын системд нэгэн төрөл, харилцан перпендикуляр $E= 40$ кВ/м хүчлэгтэй цахилгаан орон ба $B= 0,20$ мТл индукцтэй соронзон орон оршино. Хоёр орны зөвхөн ганц нь (цахилгаан, эсвэл соронзон) ажиглагдах $K'$ тооллын систем дэх орны $E'$ хүчлэгийг (эсвэл $B'$ индукцийг) ол.
3аавар. Орны инвариантуудыг ашигла.

3.386.

Хувиргалтын (3.6 к) томъёонуудыг ашиглан
а) $\pmb{E}\cdot\pmb{B}$; б) $E^2-c^2B^2$ хэмжигдэхүүн инвариант болохыг тус тус харуул.